• Басты
  • Ш.Катсу: Әлем бот-экономика табалдырығында тұр

Ш.Катсу: Әлем бот-экономика табалдырығында тұр

11 Маусым, 2016 10:38
Әлем бот-экономика табалдырығында тұр, деді Назарбаев Университетінің ректоры Шиего Катсу жоғары оқу орынының екінші лег студенттерін түлету салтанатында.

«Біз білетін әлем тез өзгереді. Ойлап қарасаңыздар соңғы 5 жылда әлем сияқты, Астана қала ретінде, айналаңыздағы университет және сіздер де өзгердіңіздер. Индустрия, аэроғарыштан бастап, автомобиль, энергетика, биомедицина, сонымен қатар, құрылыс пен ауыл шаруашылық салалары бәрі көз алдымызда технологиялық революциялық өзгерістің әсерінен ауысып жатыр»,-деді Шиего Катсу.

Назарбаев Университеті ректорының сөзінше, егер, келесі бес жылдық, одан кейінгі тағысын-тағы болсын, біз бәріміз секторлар бұдан да көбейіп, ары қарай орналаса беретінін білеміз. Сондықтан ғылыми жаңалықтар ашып, адам қызығарлықтай құқықтық мүмкіндіктерді жүзеге асыру керек болады.

«Бұл бағыттардың бірін ғана атасақ – жасанды интелект өнеркәсіптің көптеген салаларында сахна төріне жылдам шығады. Түрлі формамен, жұмыс түрлерімен қазір біз бот-экономиканың табалдырығында тұрмыз. Айналаларыңызға қараңыздар, сіздердің айналаларыңызда қаншама ғимараттар, саябақ, ресторан бар бүгін біз көріп тұрған. Осыдан 5 жыл бұрын бұлар болған жоқ қой. Келесі жылы Астанада болашақтың энергиясы бойынша ЭКСПО өтеді. Біз инновация саласында одан да көп жетістіктерді жарып өтеміз»,-деді Ш.Катсу.

Ректор түлектерді осындай іске белсене атсалысып, заманауи ғылым тұрғысынан іздену бағытында ештеңеден қорқпай батыл қадам жасауға шақырды.

Еске сала кетейік, Назарбаев Университетінде студенттердің екінші легін түлету салтанатты шарасы өтіп жатыр. Бұған Мемлекет басшысы Н.Назарбаев келіп, осындай қуанышты сәттерімен құттықтап, үздік оқыған түлектерге дипломдар табыстайтын болады.

Барлық жаңалықтар