2016-шы жылы Назарбаев Университеті 622 студентті түлетті

Студенттердің басым көпшілігі ғылым және технология, инженерия, гуманитарлық-әлеуметтік, Жоғары білім мектебінің, Жоғары бизнес мектебінің, Жоғары мемлекеттік саясат Мектептерінің студенттері. Олардың ішіндегі сұранысқа ие мамандақытар ретінде электрлік және электрония инженериясы, биологиялық ғылым, саясаттану мен халықаралық қатынастар, математика және т.б.

Биыл Университетті аяқтағаннан кейін түлектердің басым көпшілігі еңбек жолдарын бастауды жоспарлап отыр. Қалғандары одан әрі қарай әлемдік рейтинг бойынша жетекші позициядағы ЖОО-да және Назарбаев Университетінде білім алуларын жалғастырмақ.

Назарбаев Университетін 2015-ші жылы аяқтаған алғашқы түлектер бүгінгі таңда жоғары кәсіби білімпаздықтарымен көзге түсіп, мамандықтарының өте қажет екендіктерін, оқу процесінің тиімді әрі дайындықтарының жоғары деңгейде болғанын, білім сапасының да айтарлықтай биік екенін көрсетіп келеді.

Университеттің алғашқы 552 түлегінің жартысы мамандақтары бойынша жұмысқа шақыртылған. Қалған 40%-ы оқуларын жалғастыруға шешім қабылдаған. Олар бүгінгі таңда әлемнің жетекші оқу орындарында және Назарбаев Университетінде академиялық бағдарламамен білім алып жатыр. Олардың 198-і магистратура мен доктарантура бағдарламасымен білімдерін кемелдендіру үстінде.

Еске сала кетейік, Назарбаев Университеті Қазақстан Президенті Н.Назарбаевтың бастамасымен 2010-шы жылы құрылған болатын. Қазіргі таңда отандық білім беру саласындағы алдыңғы орындағы жетекші оқу орыны. Жыл сайын 700 оқушы білім грантының иегері атанады. Оқуға түсудегі қортынды емтиханда жоғары нәтиже көрсеткен талапкерлер университетте мемлекеттік білім грантымен оқиды. Студенттің барлық шығынын мемлекет көтереді. Магистранттар мен доктаранттарды оқыту да мемлекеттік білім тапсырысы аясында жүзеге асады.

Индира Қауметова