«Денсаулық» арнайы мамандандырылған медициналық пойызы оңтүстік аймаққа сапарға аттанды

Пойыз 11-тамызға дейін оңтүстік өңірлерді қамтиды. «Доңғалақты» емхананың» қызметіне шалғай станциялар мен жол айырықтарының тұрғындары мен теміржолшыларды жүгінеді, деп "Қазақстан темір жолы" ҰК"АҚ баспасөз өызметі хабарлайды

Мамырдың ортасынан бері солтүстік өңірлерді медициналық қызмет түрімен қамтуға «Саламатты Қазақстан» кеңес беру және диагностикалық қызмет пойызы алыс елді мекендердің тұрғындарына көмек көрсетуде.

Батыс өңірдің тұрғындарына «Жәрдем» медициналық пойызының дәрігерлер бригадасы қызмет көрсетуде.

«Шоққарағай станциясында тұрамын. 26 жыл жол монтері болып еңбек еттім. Қазір құрметті еңбек демалысындамын. Мамандардың дәрігерлік тексеруінен өттім. Осындай пойызды ұйымдастырғандарға алғысым шексіз»,-дейді  Валентина Максимович.

Арнайы медициналық пойыз соңғы үлгідегі диагностикалық және емдеу құрылғыларымен, мини-оташылық, зертханалық, телекоммуникациялық қондырғылармен жабдықталған.

«Саламатты Қазақстан» мен  «Жәрдем» медициналық пойыздары 40 станцияда болып, шалғай өңірдегі 39 мың тұрғынға қолұшын созды.

Мамандар 13 мың медициналық және зертханалық сараптаулар мен 1638 шағын оташылық операциялар жасады. 1784 адамның тісін емдеді.