Бундестагта Германияның ЭКСПО-2017 көрмесіне қатысуы туралы келісімге қол қойылды

10 Маусым, 2016 16:48

«ЭКСПО-2017» Халықаралық мамандандырылған көрмесінің Комиссары Рәпіл Жошыбаев Германияға жұмыс сапары барысында Бундестаг депутаттарымен, Германияның жетекші қоғамдық-саяси және экономикалық орта өкілдерімен, ГФР-да оқып жүрген қазақстандық студенттермен кездесті.

Бундестагта Р.Жошыбаев Германиядағы ҚР Елшілігі мен неміс парламентариі Юрген Климкенің ұйымдастыруымен ЭКСПО-2017 көрмесінің алдындағы «Қазақстандағы туризм мен экономиканың дамуы» тақырыбында роуд-шоуға қатысты, деп хабарлайды ҚР СІМ-і.

Комисср өз сөзінде аудиторияға жиналған көпшілікке елдегі экономикалық реформа мен Қазақстанның туризмді дамыту бағытын және Астанадағы ЭКСПО-ны өткізудің дайындық жұмыстарымен таныстырды.

Өз кезегінде Ю. Климке Қазақстанды Орталық Азиядағы Германияның маңызды саяси және сауда-экономикалық серіктесі екенін атап өтті. Сондай-ақ, ол ЭКСПО-2017 көрмесі екі жақтың да жаңаша кешенді дамуына тың серпін беретінін айтты.

Іс-шара барысында Германияның ЭКСПО-2017 көрмесіне қатысатыны туралы келісімге қол қою салтанаты болды. Аталмыш құжатқа Қазақстан тарапынан комиссар Р.Жошыбаев, Германия тарапынан германдық павильонның бас комиссары, ГФР-ң экономика және энергетика министрлігінің уәкілі Дитер Шмитц қол қойды. Қол қойылған келісімнің маңыздылығы мен үлкен мағынаға ие екенін Германияда оқитын қазақстандық студенттердің флэш-мобымен атап өтті.

Барлық жаңалықтар