Қызылордада 100-ден аса мүмкіндігі шектеулі спортшылар спартакиадаға қатысады
10 Маусым, 2016 17:21
10-12 маусым аралығында Қызылордада мүмкіндігі шектеулі спортшылар арасында облыстық спартакиада өтеді. Жарысқа Қызылорда қаласы мен аудандардан 8 команда қатысады, деп әкімдікте хабарлайды.
Айта кетейік, 100-ден аса спортшы спорттың 6 түрі бойынша сынға түседі.
"Спартакиаданың мақсаты - мүмкіндігі шектеулі азаматтардың дене дайындығын жетілдіріп, спортпен тұрақты айналысуға тарту, салауатты өмір салтын қалыптастыру",-деп хабарламада айтылған.
Айта кетейік, аталмыш жарыс биыл үшінші жыл қатарынан өтуде.
Жалпы командалық және әр спорт түрінен анықталған жеңімпаз бен жүлдегер командалар облыстық дене шынықтыру және спорт басқармасының грамота, естелік сыйлықтарымен марапатталады.
