• Басты
  • Оңтүстік Қазақстан облысында жыл басынан бері 12 мың адам тұрақты жұмыспен қамтылған

Оңтүстік Қазақстан облысында жыл басынан бері 12 мың адам тұрақты жұмыспен қамтылған

10 Маусым, 2016 16:13
Оңтүстік Қазақстанда жыл басынан бері 5 айда 26539 азаматпен «Жұмыспен қамту 2020 жол картасы» бағдарламасының аясында әлеуметтік контрактілер түзілген.

аймақ әкімдігінде хабарлағандай, бағдарламаның I бағыты шеңберінде 84инфрақұрылымдық жобаны іске асыру жоспарланып, онда 1512 жұмыс орнын ашу қарастырылған. Бүгінгі таңда 36 жобаның жеңімпазы анықталды. Ал қалған жобалар мемлекеттік сатып алу процедуралардың аяқталуына сәйкес, маусым айының соңына дейін жұмыстарын бастайтын болады.

2016 жылдың 1 маусымына дейін 1 жоба бойынша 27 жаңа жұмыс орындары құрылып, жұмыспен қамту орталықтары есебінен 15 адам жұмысқа тұрды.

Бағдарламаның ІІ бағыты аясында 252 азаматқа 679 млн. теңге көлемінде шағын несие беріліп, оларға берілген қаржының орташа көлемі 2,7 млн. теңгені құрады. Осы жұмыстардың нәтижесінде қосымша 338 жаңа жұмыс орны ашылды. Ал кәсіпкерлік негізіндерінің оқуларынан 529 адам өтті.

Мамандардың мәліметінше, «Жұмыспен қамту 2020 жол картасы» бағдарламасының ІІІ бағыты бойынша 14 081 адам жұмысқа орналасқан. Оның ішінде, тұрақты жұмысқа 11 970 адам, әлеуметтік жұмыс орындарына 4799 азамат жолданса, жастар практикасына 3 175 адам жіберілді. Жұмыс берушілердің сұранысына сәйкес қайта даярлауға 465 адам кәсіби оқуға жолданды.

Мұнан бөлек, соңғы бес айда 3238 оңтүстікқазақстандық ақылы қоғамдық жұмыстарға жіберілген.

Барлық жаңалықтар