Алматыда 93 отбасыға жаңа пәтердің кілті берілді
7 Тамыз, 2013 00:00
Оңтүстік астананың әкімі Ахметжан Есімов бүгін алматылық 93 отбасыға жаңа үйлердегі пәтердің кілтін салтанатты түрде табыс етті.
«Президент тапсырмасы бойынша біз ескі үйлерді бұзу жөнінде бағдарлама әзірледік. Алматыда бүгінде 1000-нан астам ескі үй бар. Біз бұл мәселені оңтайлы шешудің жолын таптық», – деді А.Есімов сөйлеген сөзінде.
Оның айтуынша, 2015 жылға дейін есептелген ескі үйлерді бұзу бағдарламасы бойынша 55 ескі үй бұзылмақ. Бұл жалпы аумағы 21 мың ш.м. болатын 565 пәтер.
«Түркісіб ауданын бірінші кезекте өткіземіз. Осы жылы тағы екі аудандағы үйлерді тапсыруды жоспарлап отырмыз», – деді әкім.
Бағдарлама аясында жалпы аумағы 161,6 мың ш.м. болатын 2 710 пәтерлі 61 тұрғын үй салынады.
