Еуропалық одақ ҚР-ң өңірлеріне мемлекеттік басқаруды жетілдіруге көмектеседі

10 Маусым, 2016 10:29

«Қазақстанның өңірлік дамуы» жобасы аясында Еуропалық одақ еліміздің аймақтарына мемлекеттік басқаруды жетілдіруге көмектеседі, деп хабарлады ҚР ҰЭМ өңіраралық ынтымақтастық, өңірлерді абалау мен сараптау департаментінің директоры Жайық Шарабасов Астанадағы өңірлік даму және басқару тәжірибесі мәселелері жөніндегі Өңіраралық форумда.

«Үш жылдан бері ҚР Ұлттық экономика министрлігі Еуропалық одақтың «Қазақстанның Өңірлік дамуы» жобасының командасымен тыңыз ынтымақта жұмыс істеп келеді. Жобаның мақсаты Қазақстан өңірлеріндегі өмір сапасын арттыру және өңірлік даму тепе-теңдігінне үлес қосу болып табылады. Сонымен қатар, ЕО жобасы орталық және жергілікті атқарушы органдарға өзекті мәселелер бойынша көмек көрсетіп, мемлекеттік басқаруды жетілдіруге жәрдем етеді»,-деді Ж.Шарабасов.

Оның айтуынша, ынтымақтастықтың бір бағыты бағдарланған нәтижені бюджетке енгізу болып табылады.

««100 нақты қадам» Ұлт жоспарын жүзеге асыру аясында министрлік стратегиялық жоспардың жаңа форматын бекітті. Ол стратегиялық және бюджеттік жоспарды өзара үйлестіру. Мемлекет органдардың стратегиялық жоспарлары іс-шара мен бюджеттік жоспар көрсеткіштерінің санымен-ақ үлкен жүктеме артып алған. Бюджеттік бағдарламалар бір бюджеттік бағдарламада барлық шығыстар жолымен ірілендіріліп, бір нәтиже жетістігіне бағытталды. Атқарылған жұмыстың қортындысында мақсатты индикаторлар мен стратегиялық жоспарлар саны үш есеге, дайындалған бюджеттік бағдарлама орталық деңгейде екі есеге қысқарды. Бұл қолданылған шаралар әкімшілік бюджеттік бағдарламалардың жылдам әрі тиімді атқарылуына мүмкіндік береді»,-деп түсіндірді ол.

Айта кету керек жайт, форумның негізгі мақсаты идеяларды талқылап, сонымен қатар, өңірлік даму мен өңіраралық ынтымақтастық бойынша тәжірибе алмасу.

Анар Тәңірқұлова