Қазақстандықтар 1,6 трлн теңгенің мүлігін заңдастырды
9 Маусым, 2016 17:16
«Заңдастыру аясында Қазақстанда және елден тыс жерде бүгінгі күні 1,6 трлн теңгенің мүлігі заңдастырылды, деп ҚР Қаржы министрлігінің тәуекелдерді басқару, талдау және статистика басқармасы бастығының орынбасары Ерлан Сағнаев Астанада өткен баспасөз-конференциясында мәлім етті.
«Жалпы республика бойынша бүгінгі күні заңдастыруға берілген мүлікке деген өтініш сомасы Қазақстан аумағында және елден тыс жерде 1,8 трлн соманы құрады, олардың ішінде 1,6 трлн теңгесі заңдастырылды. Мүлік бойынша айта кетейін, Қазақстан территориясында заңдастыру сомасы 683 млрд теңгені құрады; ал елден тыс мүлік бойынша сома 2 млрд теңгені құрады, ақша 894 млрд теңге сомасында заңдастырылды»,-деді ол.
Сонымен қатар, ол өз сөзінде , 85 мың жылжымайтын мүлік нысандары заңдастырылғандығын және олардың ішінде 6 мыңнан астамы жеке нысандар екендігін айтып өтті.
Анар Тәңірқұлова
