10 жылда Болгариядан Қазақстанға құйылған инвестиция 26,7 млн долларды құрады

«Біздің елдер арасындағы экономикалық ынтымақтастықты дамыту үшін үлкен әлеует бар. Қазіргі таңда көрсеткіштер өте үлкен емес. 2015-ші жылдан 2015-ші жылға дейінгі кезеңде Болгариядан Қазақстанға тікелей құйылған инвестиция 26,7 малан АҚШ долларын құрады. Ал, осы кезеңде Қазақстаннан Болгарияға құйылған тікелей инвестиция 12 млан. АҚШ долларын құрады. 2016-шы жылдың 1-ші мамырындағы жағдай бойынша Қазақстанда болгарлық 130 заңды тұлға, филиалдар мен өкілдіктер тіркелген. Олардың қазір 44-і жұмыс істеп жатыр»,-деп хабарлады Е.Хайыров.

Вице-министрдің сөзінше, азық-түлік, ауыл шаруашылығы, туризм, машина жасау, ақпараттық-коммуникациялық технология, мәдениет пен білім салалары бойынша перспективалы ынтымақтастықты одан әрі жандандыруға болады.

«Қазақстан ішкі саяси тұрақтылығы мен дағдарысқа қарсы шараларының арқасында инвестиция тартудың жоғары динамикасын сақтап қалды. Соңғы 11 жылда біз 220 млрд. доллар инвестиция тарттық. Үкімет инвестициялық ахуалды жақсарту жұмыстарын жүргізіп жатыр. Мемлекеттік қолдау мен ынталандыру, инвестициялық субсидияларды ұарастырады, заңнаманың тұрақтылығы, салық жеңілдігі сияқты ауқымды шаралар қолданып келеді»,-деді вице-министр.

Ботагоз Айтжанова