ШҚО-да жаңа оқу жылында 7 мектеп пайдалануға беріледі

Облыста апаттық жағдайдағы мектептерді жою бойынша мақсатты жұмыс атқарылуда. Биыл пайдалануға берілетін жеті мектептің алтауы, апаттық жағдайдағы орта білім беру мекемелерінің орнына салынуда. Сонымен қатар, 2017 жылы қосымша үш мектеп салынады деп жоспарлануда.

Үржар ауданының Үржар және Қабанбай, Тарбағатай ауданының Жетіарал, Ұлан ауданының Таврия ауылдарының және Курчатов қаласының оқушылары жаңа оқу жылын жаңа мектепте бастайды. Жыл соңына дейін Күршім және Үржар аудандарындағы екі мектептің құрылысы аяқталады.

Айта кету керек, Тарбағатай, Ұлан аудандары мен Курчатов қалаларындағы білім беру нысандары «Нұрлы Жол» бағдарламасы шеңберінде салынуда.