Р.Скляр: 2016-шы жылдың 4 айында Қазақстандағы 27 мыңнан астам отбасы тұрғын үй жағдайын жақсартты

9 Маусым, 2016 13:04

Биылғы жылдың төрт айының қортындысы бойынша Қазақстанда 27 мыңнан астам отбасы тұрғын үй жағдайын жақсартты, деп хабарлады ҚР Ұлттық экономика вице-министрі Роман Скляр «Нұрлы жол» бағдарламасын іске асыру шеңберінде жалға берілетін тұрғын үй құрылысының барысы мен тұрғын үй инфрақұрылымын нығайту шаралары» атты дөңгелек үстел отырысында.

«Биылғы жылдың төрт айының қортындысы бойынша 3,2 млн. шаршы метр тұрғын үй пайдалануға берілді. 2015-ші жылдың осы кезеңімен салыстырғанда 121,6% орындалды. Нәтижесінде 27 мыңнан астам отбасы тұрғын үй мәселесін шешіті»,-деді Р.Скляр.

Сонымен қатар, вице-министр 2015-ші жылдың қортындысы бойынша 8,9 млн. шаршы метр тұрғын үй пайдалануға берілгенін атап өтті. Бұл 2014-ші жылмен салыстырғанда 119%-ға орындалған.

«Оның ішінде мемлекеттік кәсіпорындар мен ұйымдар тарапынан салынған баспана 1,45 млн шаршы метрді құрады, бұл республика бойынша пайдалануға берілген баспаналардың 16,3% тең. Ал жеке меншіктегі кәсіпорындар мен ұйымдар, сонымен қатар, халықтың өз тарапынан салынған баспаналар көлемі 7,4 млн шаршы метрді құрап отыр. Бұл республика бойынша жалпы пайдалануға берілген баспаналардың 83,7 пайызына тең»,-деді Р.Скляр.

Ботагоз Айтжанова

Барлық жаңалықтар