Р.Скляр: Тұрғын үй құрылысында үлестік қатысу туралы Заң үлескерлердің салған қаржыларын қорғауға кепілдік береді

9 Маусым, 2016 12:29

2016-шы жылдың қазан айында тұрғын үй құрылысында үлестік қатысу туралы Заң күшіне енетін болады. Халықты тұрғын үй құрылысына қаржы салуға тарту тетіктері туралы ҚР Ұлттық экономика вице-министрі Роман Скляр «Нұрлы жол» бағдарламасын іске асыру шеңберінде жалға берілетін тұрғын үй құрылысының барысы мен тұрғын үй инфрақұрылымын нығайту шаралары» атты дөңгелек үстел отырысында айтты.

«Тұрғын үй құрылысындағы проблемалық мәселелердің бірі үлескерлерді тарту болып табылады. Бүгінгі таңда қолданылып жүрген «Тұрғын үй құрылысына үлестік қатысу туралы» Заң өкінішке қарай кейбір құрылыс мәселелерінің бәрін қамти алмайды. Заң құрылыс салушы мен үлескердің инвестициялау келісімі, алдын ала келісім және тағы сол сияқты мәселелердің түйінін шеше бермейді кейбір жағдайларда. Мемлекет басшысының «Қазақстанның әлеуметтік жаңғыруы: Жалпы еңбек қоғамына қарай 20 қадам» атты мақаласындағы тапсырмаларды орындауда ҚР ҰЭМ тұрғын үй құрылысында үлестік қатысу туралы және ілеспе заң жобасын дайындады»,-деп ақпараттандырды Р.Скляр.

Заңға осы жылдың сәуір айында қол қойылдыи және қазан айында күшіне енетін болады. Заң жобасы үлескерлдердің тұрғын үй құрылысына салған қаржыларына кепілдік беруді және қорғау тетіктерін қарастырады. Яғни, үлестік салым кепілдігі, екінші деңгейлі банктің қаржыландыру жобасы және тұрғын үй ғимаратының қаңқасын құрылыс салушының өз қаражатымен тұрғызуын қамтамасыз етеді.

Ботагоз Айтжанова

Барлық жаңалықтар