Жамбыл облысы бойынша ҰБТ-ның орташа балы 78,5 балды құрады-әкімдік

Хабарламада айтылғандай, облыс бойынша ҰБТ-ның орташа балы 78,5. «Алтын белгіге» үміткер 208 түлектің 56 пайызы өз білімдерін дәлелдеді, ал 71 үздік аттестатқа өтініш бергендердің 38 пайызы білімдерін дәлелдеді. 2015 жылы 223 «Алтын белгі» үміткерлерінің 124-сі дәлелдеген болатын, ал 58 үздік аттестаттын – 27-сі.

Үш жамбылдық оқушы 124 балл жинаған. Ол Жуалы ауданының Орджоникидз атындағы мектеп-гимназиясының түлектері және Тараз қ, №45 қазақ классикалық гимназиясының түлегі.

2015/2016 жылдары аймақтың 316 жалпы білім беретін мектептерінде 8 561 оқушы білім алған. Оқушылардың жалпы санынан 7 985-і күндізгі мектепті аяқтады, 571-і кешкі. Қалалық мектептерде 3 077 оқушы оқыды, ауылдықта – 5 484  оқушы. Мемлекеттік тілде 6 291 түлек, орысша – 2 245 және 25-і өзбек тілінде.

ҰБТ-дан халықаралық олимпиада жеңімпаздары, ғылыми жарыстың жеңімпаздарының 44 түлегі босатылды, 64 түлек мемлекеттік грант иегерлері.

2501 түлек дәстүрлі емтихан тапсырады. Ал бесеуі ҰБТ-ға бірнеше күн қалғанда тапсырмаудан бас тартты.

ҰБТ-ны өткізу үшін ауданда жергілікті бюджеттен 16,9 млн теңге бөлінді, олардың ішінде тасымалға – 10,6 млн теңге, тамаққа – 5,8 млн теңге, тұруға-463 мың теңге кетті.