• Басты
  • «Самұрық-Қазына» АҚ 2016-шы жылы «Нұрлы жол» бағдарламасы аясында 10 мың пәтердің құрылысын қаржыландырады
8 Маусым, 2016 12:54

«Самұрық-Қазына» АҚ 2016-шы жылы «Нұрлы жол» бағдарламасы аясында 10 мың пәтердің құрылысын қаржыландырады

2016-шы жылы «Самұрық-Қазына» жылжымайтын мүлік Қоры» АҚ-ы «Нұрды жол» бағдарламасына бекітілген 10 мың пәтердің құрылысын бастауды жоспарлап отыр. Астана мен Алматыда және қала іргесіндегі аумақтарда, сонымен қатар, Ақтау мен Атырауда тұрғын үй құрылысының өзіндік құны бір шаршы метріне 240 мың теңге, басқа аймақтарда 200 мың теңгенің үстінде болады, деп хабарлады «Самұрық-Қазына» жылжымайтын мүлік Қоры» АҚ Басқарма төрағасы Бауыржан Мамыталиев ОКҚ-де өткен баспасөз қызметінде.
«Самұрық-Қазына» АҚ 2016-шы жылы «Нұрлы жол» бағдарламасы аясында 10 мың пәтердің құрылысын қаржыландырады

«ҚР Үкіметінің кеңейтілген отырысында Мемлекет басшысы экономиканың құрылыс секторын жеке құрылысшыларды қолдау бағдарламасы арқылы нығайту керектігін айтып, тапсырма берген болатын. Осы мақсатта жылжымайтын мүлік Қоры 97 млрд теңге бөлді»,-деп мәлімдеді ол.

Төрағаның айтуынша, аталмыш қаржы халықтың сұранысы артып отырған тұрғын құрылыс жобаларына бағытталатын болады.

«Бұл тек құрылыс секторын тек қарқындатып қана қоймай, құрылысшыларға қаржыларын тездетіп қайтарып беруді қамтамасыз етеді. Мұндай құрылыс секторына серпін беретін жүйе жұмыс орындарын сақтауға және жаңа жұмыс орындарын құруға мүмкіндік береді»,-деді ол.

Б.Мамыталиев сондай-ақ, жылжымайтын мүлік қорының 2009-2011-ші жылдардағы дағдарысқа қарсы бағдарламаларды жүзеге асырған айтарлықтай тәжірибесі бар екенін де айтьып өтті.

Сол жинақталған тәжірибе арқылы ҚР Президентінің Жарлығымен осы жылдың 11-ші мамырында «Нұрлы жол» мемлекеттік бағдарламасына енгізілген өзгертулер мен толықтырулар бойынша келесі қадамға сеніммен барып отыр. 

Барлық жаңалықтар