2015-ші жылы Қазақстанда 456 шақырым автожол салынды – ҚР ҚМ басшысы
8 Маусым, 2016 11:54
ҚР Парламенті Мәжілісіндегі жалпы отырыстағы баяндамасында ҚР Қаржы министрі Бақыт Сұлтанов Қазақстандағы тұрғын-үй коммуналдық, көлік, коммуникация мен электр энергетика салаларын қаржыландырудың қортындысы туралы айтты.
«2015-ші жылы жол құрылысына және оны қамтуға 345 млрд. теңге пайдаланылды. Бұл 2014-ші жылмен салыстырғанда 30 %-ға артық. Нәтижесінде 456 шақырым автожол салынды. Қалалардағы орталықтандырылған сумен жабдықтау 87 %-ды құрады, ауылдық жерлерде 52 %-ға жетті»,-деп атап өтті ҚР Қаржы министрі.
Сондай-ақ, оның сөзінше, 983 шақырымдық жылумен жабдықтау жаңғыртылды және 12 мың 809 шақырым электрмен жабдықтау жүйелері жаңғыртылған. Сонымен қатар, көлемі 150 мың шаршы метр болатын жалдық коммуналдық тұрғын үй кезекте тұрғандарға берілді және 87 мың шаршы метр тұрғын үй салынып, жас отбасыларға тапсырылды.
