Б.Сұлтанов: 2015-ші жылы әлеуметтік салаға бағытталған шығыстар 7 пайызына дейін өсті

«Бюджеттің атқарылуын талқылаулар барысында негізгі сұрақтар әлеуметтік сала бойынша қойылған. «Есепті жылы әлеуметтік салаға арналған шығыстар жалпы ішкі өнімнің 7 пайызына дейін өсті және 2,8 трлн.теңгені құрады. Бюджетте олардың үлесі 39,4 пайызға дейін артты. Зейнетақы 1 млн. 943 мың алушыларға уақтылы және толық көлемде төленді. Бір жасқа дейін бала күтімі бойынша демалыс кезеңінде 87 мың адамның міндетті зейнетақы жарналары 3,6 млрд.теңгеге субсидияланды», - деді Қаржы министрі.

Оның сөзіне қарағанда, тегін кепілдендірілген медициналық көмекке бөлінген нысаналы трансферттер 311 млрд.теңгеге игерілген. Осы сомадан 4 млрд. теңге ауруларды ерте айқындау жөніндегі іс-шараларға бағытталды. 2015 жылы 6 миллионнан астам халықтың ересек бөлігі тексеруден өтті,бұл сан алдыңғы жоспардан 1,2 пайызға артық. «Балабақшаларда орындармен қамтамасыз ету 2014 жылмен салыстырғанда шамамен 21 пайызға өсті. 3 жастан 6 жасқа дейінгі балаларды мектепке дейінгі тәрбиемен және оқумен қамту деңгейі шамамен 82 пайызды құрады немесе 2014 жылға қарағанда 3 пайызға  артық», - деді Б. Сұлтанов.