ҚР Мәжiлiсі Есеп комитетiнiң екі жаңа мүшесiн тағайындады

«ҚР Конституциясының 57-бабының бiрiншi тармағына сәйкес, Парламенттiң әр палатасы республикалық бюджеттiң атқарылуын бақылау жөнiндегi есеп комитетiнiң 3 мүшесiн 1 жыл мерзiмге қызметке тағайындайды. Комитеттiң екi мүшесiнiң өкiлеттiк мерзiмi аяқталды. Осыған орай Конституциясының 58-бабының 3- тармағының 7-тармақшасы негiзiнде Республикалық бюджеттiң атқарылуын бақылау жөнiндегi есеп комитетiнiң мүшесi ретiнде Константин Плотников пен Халида Қамбарованың кандидатурасын ұсынамын», - дедi Мәжiлiс төрағасы Бақтықожа Iзмұхамбетов.

Депутаттар бұл адамдарды Есеп комитетi мүшесi қызметiне кәсiби тұрғыда лайық деп тауып, қолдап дауыс бердi.