Қазақстан-Куба серіктестігін тереңдету мәселесі Гаванада талқыланды

8 Маусым, 2016 18:42

Қазақстан сыртқы істер министрінің орынбасары Ержан Ашықбаев жұмыс сапарымен Кубаға барды. Ол Кариб мемлекеттері Ассоциациясына мүше-мемлекеттердің үкімет және мемлекет басшыларының 7-ші Саммитіне қатысады.

Е.Ашықбаев Кубаның бірқатар сыртқы саясат ведомство басшылығымен кездесу өткізіп, Президент Нұрсұлтан Назарбаевтың Куба Президенті Раул Кастроға оның 85 жылдық мерейтойымен жеке құттықтауын жеткізді, деп хабарлайды ҚР СІМ-і.

Сыртқы істер министрінің бірінші орынбасары Марселин Мединамен болған келіссөз барысында осы жылдың сәуір айында ҚР Президенті Нұрсұлтан Назарбаевтың Кубаға жасаған ресми сапары аясында қол жеткізілген келісімді жүзеге асыру жолында жұмыс істеу мәселесі сөз болды.

Тараптар денсаулық, туризм, энергетика, спорт және білім салалары бойынша қазақстандық-кубалық серіктестікті нығайтуда ерекше қызығушылықтар бар екенін айтты. М.Медина осыған байланысты «ЭКСПО-2017» Халықаралық мамандандырылған көрмесінің әлеуеті үлкен екенін атап өтті.

Барлық жаңалықтар