Чехия Республикасы ЭКСПО-2017-ге қатысатынын ресми түрде растады
8 Маусым, 2016 15:34
Чехия Республикасының өнеркәсіп және сауда министрі Ян Младек Чехияның «ЭКСПО-2017» халықаралық мамандандырылған көрмесіне қатысатындарын ресми түрдерастады, деп ҚР СІМ хабарлайды.
Экспозицияны дайындау және қамтамасыз ету жауапкершілігі 2016 жылдың 30 маусымына дейін «ЭКСПО-2017» көрмесіне қатысу үшін тұжырымдамалық жобалау байқауын жариялаған Чехия Республикасының өнеркәсіп және сауда министрлігіне жүктелген.
«Қатысу үшін Чехияның мемлекеттік бюджетінен бөлінген қаржы 98,2 млн чехтік кронды қамтыды (3,63 млн еуро)»,-деп хабарламада айтылған.
Айта кетейік, Чехияның энергетикалық саясат құрылымында маңызды орынды жаңартылған энергия көздері алады.
«ЭКСПО-2017» Хатшылығының мәліметінше, Чехия Республикасы көрмеге ресми түрде қатысатындарын бекіткен 89-шы ел болды.
