• Басты
  • Жамбыл облысында республикалық маңызы бар автожол жұмыстарына 900 млн. теңге бөлінді - әкімдік
7 Маусым, 2016 14:32

Жамбыл облысында республикалық маңызы бар автожол жұмыстарына 900 млн. теңге бөлінді - әкімдік

Жамбыл облысында республикалық маңызы бар автожол жұмыстарына 900 млн. теңге бөлінді. Бұл туралы бүгін Өңірлік коммуникациялар қызметінде өткен брифинг барысында «Қазавтожол» "ҚазАвтоЖол" ҰК" АҚ-ның Жамбыл облыстық филиалының директоры Кәрібаев Қайрат Кәлелханұлы мәлімдеді.
Жамбыл облысында республикалық маңызы бар автожол жұмыстарына 900 млн. теңге бөлінді - әкімдік

«2016 жылы республикалық мәні бар автожолдарды күтіп-ұстау жұмыстарына 900,0 млн. теңге бөлінді. Республикалық мәні бар автожолдардың бойында үздіксіз және қауіпсіз жол қозғалысын қамтамасыз ету мақсатында, 2016 жылы шұңқырлықты жөндеу – 25 893 м2;жолтабандар мен кедірліктерді жою – 28 000 м2;белгі беру бағаншаларды орнату – 854 бірлік;жол белгілерін ауыстыру мен орнату – 362 бірлік;панноларды ауыстыру мен орнату – 12 бірлік;темір қоршауларды орнату және жөндеу – 6 714 п.м; жол жамылғысына жолақтарды сызу – 350 шм; автопавильондарды жөндеу – 4 бірлік жұмыстары жоспарналған»,- деп айтты Қ.Кәрібаев.

Жамбыл облысы бойынша осы халықаралық транзитті дәлізі негізінен қолданыстағы «Алматы-Ташкент-Термез» автомобиль жолымен өтеді. Сонымен қатар Қордай, Қүйік, Шақпақ асуларын және Тараз қаласы, Қордай, Құлан, Айша-Бибі, Бауыржан Момышұлы, Шақпақ ата елді мекендерін және Қырғызстан Республикасы аумағын айналып өтеді.

«495 шақырымды құрайтын «Батыс Еуропа-Батыс Қытай» халықаралық транзитті дәлізінің қайта жаңарту жұмыстары аяқталды. 495 шақырым автожолдың 295 шақырымы І-техникалық санатты төрт жолақты, 200 шақырымы ІІ-техникалық санатты екі жолақты. Жалпы шақырымның 351 шақырымы цементбетонды, 144 шақырымы асфальтбетонды жамылғы. Жол жамылғысы 13 тн өстік салмаққа және 20-25 жыл қызмет көрсету мерзіміне есептелген»,-деді спикер.