Жетім балаларды жұмысқа орналастыруда кез-келген мүмкіндік пайдаланылатын болады – ҚР ДСӘДМ (ВИДЕО)

7 Маусым, 2016 12:49

Жастарды, әсіресе жетім балаларды жұмысқа орналастыруда кез-келген мүмкіндік пайдаланылатын болады, деді ДСӘДМ халықты жұмыспен қамту департаменті директорының орынбасары Ерболат Әбілхатин «Нұр Отан» партиясының орталық аппаратының ғимаратында өткен ЖОО мен колледждерді бітірген жетім балаларды жұмысқа орналастыру бойынша «Сәтті қадам» партиялық жобасын талқылауға арналған отырыста.

«Бүгінгі таңда министрлік бос жұмыс орынын ұсыну бойынша «Атамекен» Ұлттық кәсіпкерлер палатасымен өзара іс-қимылды күшейтті. Сонымен қатар, «Жұмыспен қамту жол картасы» бағдарламасы аясында жұмыс берушілер де өздерінің жақсы жақтарын көрсетті. Олар өздеріне қажет маманды дайындап, оқытып, тағлымдамадан өткізуде. Осы бағдарлама бойынша, жастарды тағы бір бағыт қызықтырып отыр. Ол аймақтық жеделдікті көтеру. Бұл тұрғыда өз ауылында жұмыс пен перспективасы жоқ жастар жұмыс тауып беруге мүмкіндігі бар солтүстік аймақтардағы ауылдарға баруларына болады. Мұнда мемлекет тарапынан тұрғын үй беріледі, көшіп барғаны үшін субсидия төленеді. Жетім балаларды жұмысқа орналастыруда кез-келген мүмкіндік пайдаланылатын болады»,-деді Е.Әбілхатин.

Өз кезегінде «Жас Отан» Жастар қанатының төрағасы Шахмардан Байманов «жұмыспен қамту органдары орындарында әрекет жасайтын болса, бұл ҚР ДСӘДМ тарапынан көрсетіліп отырған үлкен қолдау»,-деп атап өтті.

« «Сәтті қадам» жобасы өз нәтіижемін береді, деп ойлаймын. Біз жетім балаларды барынша жұмысқа орналастыратын боламыз. Біздің аймақтық деңгейдегі барлық өкілдеріміз әрбір компаниямен мүмкіндігінше келісіп, меморандумдарға қол қоятын болады. Әрине, бір компания 20-3»0 адамды бірден жұмысқа ала алмайды. Әр компанияда мамандық қажет орындар табылады. Сондықтан қай аймақта қандай жұмыс орыны бар, қандай мамандық қажет екеніне дейін білір ақпараттанып отырамыз»,-деді Ш.Байманов.

Ботагоз Айтжанова

Видео Азамат Әлімов

Барлық жаңалықтар