СҚО әкімі Швеция елшісімен аймақтың инвестициялық мүмкіндіктерін талқылады

Е.Сұлтанов біздің республикада инвестициялық ахуал өте жақсы екенін және бизенс жүргізуге барлық жағдай жасалатынын атап өтті.

«Солтүстік Қазақстан облысы бірінші кезекте аграрлы аймақ. Біз астықтың республикалық көлемін өндіреміз. Қайта өңдеу саласында да үлкен әлеует бар. Қытайдың ірі компаниясымен майлы дақылдарды өңдеу зауытының құрылысы басталды. Біз неміс, италиян, фин, қытай және ресейлік компаниялармен жұміс істейміз. Енді шведтік компаниялармен де бірлескен жобаларды іске асырамыз, деп сенемін»,-деді Е.Сұлтанов.

Х. Камилл өзінің СҚО-на үшінші рет келіп тұрғанын атап өтті.

«Инвестиция тарту бойынша өндірістік өнеркәсіп саласын күшейтуде шведтік бизнес-делегацияны СҚО-на әкелу туралы шешім қабылданды.  Бұл қазан айындағы осында келудің алдындағы дайындық сапары. Біздің ел де солтүстік, кәсіпкерлер ортақ тіл табысады, деп ойлаймын»,-деді Швеция елшісі үлкен сеніммен.

Қазан айында шведтік бизнес-делегацияның Солтүстік Қазақстан облысына келу сапары жоспарланған болатын.