Ә.Исекешев: Жыл қорытындысында Қазақстан бойынша 900 шақырымнан астам автожол қайта жаңғыртылатын болады
6 Маусым, 2016 19:32
«Нұрлы жол» бағдарламасы аясында 16 жоба жүзеге асыуда. Оның негізгі бөлігі автомобиль жолдары жобасы, деп мәлімдеді инвестиция және даму министрі Әсет Исекешев ҚР Үкіметінің отырысында.
2015-ші жылы 11 автожол жобасының 8-де жұмыстар жүрді. Олар: «Батыс Еуропа – Батыс Қытай», «Орталық-Оңтүстік», «Орталық-Шығыс», «Бейнеу-Ақтау», «Алматы - Өскемен», «Астана-Петропавл», «Ақтөбе - Атырау» және «Орал-Каменка». Жол-құрылыс жұмыстарында 2 мың шақырым қамтылды, 75 мың адам жұмыс істеді. 2015-ші жылдың қортындысы бойынша 456 шақырым жол салынып, қайта жаңғыртылды.
«2016-шы жылы жоғарыда аталған1,7 мың шақырымды қамтитын 8 жобаның жұмысы жалғасатын болады. »Жылдың қорытындысы бойынша 900 шақырымнан астам жол қайта жаңғыртылады, деп жоспарлануда. Барлық автожол құрылыстарында 100 мың адам жұмыс істейтін болады»,-деп атап өтті министр.
