Қазақстанда «Батыс Еуропа-Батыс Қытай» жобасының барлық бағыттары бойынша қозғалыс ашылады

6 Маусым, 2016 18:57

«Батыс Еуропа-Батыс Қытай» жобасының іске асырылуынан бастап 2 028 шақырым жолдың құрылысы аяқталды және Оренбург пен Тараз-Алматы учаскілеріне шығатын Шымкенттен РФ аумағына дейінгі қозғалыс ашылды, деп инвестициялар және даму министрі Әсет Исекешев ҚР Үкімет отырысында мәлім етті.

«Ағымдағы жылы жұмыс Алматы-Хоргос (304 шақырым), Шымкент-Ташкент (100 шақырым) және Шымкент-Жамбыл облысының аумағындағы (81 шақырым) учаскілерінде жүргізіледі және олар жыл қорытындысында толығымен аяқталып, барлық дәліздің бағыты бойынша қозғалыс ашық болады. Сонымен қатар, өткен жылдан бастап Қордай айналмалы жолының 1-ші санатқа көшу бойынша 2-ші кезеңінің құрылыс жұмысы басталды»,-деді Ә.Исекешев.

Алматы-Бішкек автожолдарында қарқындылықтың 2 есеге ұлғаюына орай және Ұзынағаш-Отар учаскілерінде соқтығыстардың көп бөлу салдарынан 4 жолақты қозғалысы бар I-технологиялық санатқа көшіру жоспарланған.

ҚР ИДМ хабарлағандай, учаскіні қаржыландыру Дүниежүзілік банк несие жинақ есебінен қаржыландырылатын болады. Ағымдағы жылдың 2 тоқсанында несиелік келісімге қол қою және конкурстық процедураларды жүзеге асыру жоспарланып отыр. Қайта құру 2017 жылы басталады, ал 2019 жылы аяқталады.

Барлық жаңалықтар