«Нұрлы жол» аясында тұрғын үй құрылысына Ұлттық қордан қосымша 67 млрд теңге бөлінді

6 Маусым, 2016 17:19

Жергілікті атқарушы орган арқылы несиелік тұрғын үй құрылысына «Нұрлы жол» бағдарламасы аясында Ұлттық қордан қосымша 67 млрд теңге бөлінді, деп «Бәйтерек» ҰХ»АҚ-ның басқарма төрағасы Ерболат Досаев Астанада өткен ҚР Үкіметінің отырысында мәлім етті.

«Жергілікті атқарушы орган арқылы несиелік тұрғын үй құрылысына Ұлттық қордан қосымша 67 млрд теңге бөлінді. Алматы мен Астана облыстары және қалалардың жергілікті атқарушы органдарының арнайы бағалы қағаздарды шығаруға қабілетті болуы үшін ұлттық экономика министрлігімен бюджеттік кодекске 2016 жылдың 7 сәуір айында тиісті өзгерістер енгізілді, сонымен қатар осы жылдың 25 сәуір айында 2009 жылдың 15 маусымындағы үкімет қаулысына тиісті өзгерістер енгізілді»,-деді Е.Досаев.

Ұлттық холдинг басшысының айтуынша, борыштық бағалы қағаздарды шығарудан кейін «Бәйтерек» АҚ олардың шығарылуын қамтамасыз етеді және жергілікті атқарушы органдар құрылысты бастайды.

«Бөлек аймақтар тұрғын үй құрылысын бастады. 2016 жылдың соңына дейін аталмыш бағыт бойынша 41,7 млрд теңге игеріледі деп күтілуде»,-деді министр.

Анар Тәңірқұлова