Қ.Бишімбаев: 2016 жылы шамамен 3200 шақырым инженерлік желі салу жоспарланған
6 Маусым, 2016 16:03
2016 жылы шамамен 3200 шақырым инженерлік желі салу жоспарлануда, деп ҚР ұлттық экономика министрі Қуандық Бишімбаев «Нұрлы жол» мемлекеттік бағдарламасын іске асыру туралы ҚР Үкіметінің отырысында айтып өтті.
«Тұрғын үй инфрақұрылымын нығайту мен жалға берілетін тұрғын үйлердің құрылысының бағыты бойынша 21,1 млрд теңге игерілген. Солтүстік Қазақстан облысы мен Ақмола облысында игерудің төмендігі байқалады»,-деді Қ.Бишімбаев.
Министрдің айтуы бойынша, 2016 жылы шамамен 3200 шақырым инженерлік желі салу жоспарлануда.
«9,2 млрд теңге «Қазақстандық ипотекалық компания» АҚ арқылы жалға берілетін тұрғын үйдің құрылысының кестесіне сәйкес игерілген. Сонымен қатар 22 млрд теңге сомасына келісім жасалды»,-деді ҚР ҰЭМ басшысы.
Ботагөз Айтжанова
