«Нұрлы жол» бағдарламасы бойынша жарты жылда 100 млрд. теңге игерілді – ҚР ҰЭМ

««Нұрлы жол» бағдарламасын жүзеге асыруда 2016-шы жылға ҚР Ұлттық Қорынан 839,9 млрд. теңге қарастырылған. Оның 503,4 млрд теңгесі  республикалық бюджеттің мақсатты трансферті ретінде және 336,5 млрд. теңге ұлттық холдингтердің облигациялық қарызы арқылы қарастырылды»,-деді Қ.Бишімбаев.

2016-шы жылдың 1-ші маусымындағы жағдай бойынша 99,1 млрд. теңге немесе 12% игерілді. Көліктік-логистикалық инфроқұрылымды дамыту бағытына 47,2 млрд. теңге, оның: 35,2 млрд теңгесі республикалық маңыздағы автомобиль жолдарының құрылысы мен қайта құруға бағытталған.

«8 млрд. теңге екінші Алматы-Шу учаскесіндегі т/ж бағытының құрылысына; 4 млрд. теңге Құрық паромды порты өткелінің құрылысына бағытталды. Аталмыш бағыттардағы қаржы республикалық бюджет пен құрылыс жұмыс кестесі төлемі бойынша жоспарға сәйкес игерілуде»,-деді министр.

Ботагоз Айтжанова