• Басты
  • ОҚО-ның 4 түлегі ҰБТ-да 125 балл жинады

ОҚО-ның 4 түлегі ҰБТ-да 125 балл жинады

6 Маусым, 2016 15:03
ОҚО-да 149 түлек ҰБТ-да 120 балдан жоғары жинады, олардың ішінде 4-уі-125 балл, деп әкімдіте хабарлайды.

5 маусым күні Оңтүстік Қазақстан облысында Ұлттық бірыңғай тестілеуден 2163 бітіруші тест тапсырып, облыстың орташа көрсеткіші – 79,01 балды көрсетті. Жалпы кеше 125 балдық көрсеткішті 4 оқушы алса, 124 балды бес оқушы жинаған.

Хабарламада айтып өткендей, төрт күннің қорытындысы бойынша Ұлттық бірыңғай тест тапсыруға өтініш берген 19 798 бітірушінің 13589-ы тест тапсыруға кіріп, облыстың орта баллы - 77,96. Осы күндері тестке кірген 344 оқушы «Алтын белгісін» растап, 100-ден жоғары балл жинады. Сонымен қатар, 125 балды төрт оқушы, 124 балды 9 оқушы, 123 балды 13 оқушы, 122 балды 22 оқушы, 121 балды 33 оқушы алса, 120 балды 68 түлек жинады.

Барлық жаңалықтар