• Басты
  • 2018 жылға дейін Қазақстаннның бес облыстағы 70 елді мекені газбен қамтылатын болады
6 Маусым, 2016 11:07

2018 жылға дейін Қазақстаннның бес облыстағы 70 елді мекені газбен қамтылатын болады

Газдандыру мәселесі республикалық және жергілікті бюджет есебінен шешілетін болады. 2016-2018 жылдары Батыс Қазақстан, Қостанай, Алматы, Жамбыл және Қызылорда облыстарының 70 елді мекені газбен қамтылатын болады, деп хабарлады ҚР Энергетика министрі Қанат Бозымбаев халықпен есептік кездесуінде.
2018 жылға дейін Қазақстаннның бес облыстағы 70 елді мекені газбен қамтылатын болады

Оның атап өтуінше, елімізді газдандыру маңызды стратегиялық бағыт болып табылады.

«2015 жылы  бұл сала дамуға бет алды. 45,3  млрд текше метр газ алынды. Осы жылдың төрт айында өндірілген газ көлемі 15,5 млрд текше метрді құрады. Елімізді газдандыру - басты стратегиялық бағыт екені белгілі. Жалпы, былтырғы көрсеткішке сүйене отырып айтсам, Қазақстанның 43 пайызы газбен қамтылған», - деді министр.

Сонымен қатар, 2016-2020 жылдар аралығында елді газдандыру үшін «ҚазТрансГаз» ұлттық операторы есебінен қосымша қаржы аламыз. Осылайша, Ақтөбе, Маңғыстау, Қызылорда, Оңтүстік Қазақстан облыстарындағы 14 ірі елді мекенді газбен қамти аламыз. Индустриялық-инновациялық даму бағдарламасының аясында «Бейнеу-Бозой-Шымкент» газ құбырының бір желісі іске қосылған. Жоба толық қуаттылыққа көшке соң, еліміздің оңтүстігіндегі алты жүзге жуық елді мекені газбен қамтылады. Сонымен қатар, Қытайға газ экспорттай аламыз»,-деп хабарлады Энергетика министрі.

Ботагоз Айтжанова

Барлық жаңалықтар