Өскеменде ҚР мемлекеттік рәміздер күні атап өтілуде (ФОТО)
4 Маусым, 2016 13:24
Өскеменде екі күн қатарынан ҚР Мемлекеттік рәміздер күніне арналған іс-шаралар кешені өтуде. Бүгін таңертеннен бастап барлық ірі кәмсіпорындарда, ұйымдар мен жазғы қалалық лагерьлерде және әскери бөлімдерде ҚР Мемлекеттік әнұраны шырқалды, деп ШҚО ақпарат орталығы хабарлайды.
100-ден астам теміржолшылар ҚР Әнұранын шырқады. Республика алаңында отандық «Бипек Авто Қазақстан» көліктерінің қатысуымен автомобиль жарыстары өткізілді. Отандық автокөліктердің тобы қаланың негізгі көшелерімен 25 Мемлекеттік туды ұстап жарыс өткізді.
Сонымен қатар, Мемлекеттік рәміздер күніне орай, облыс орталығындағы Жекпе-жек сарайында әйелдер мен ерлер арасындағы халықаралық армрестлингтен ашық чемпионат өтуде. Шараға шетелден келген спортшылар қатысуда.
