Қазақстан Республикасының Мемлекеттік рәміздері туралы қызықты деректер

Тәуелсіздікті алған күннен бастап мемлекет алдында Мемлекеттік рәміздерді жасап, оны бекіту міндеті тұрды. Үлкен жұмыстар атқарылды.

1992 жылдың басында жаңа мемлекеттік рәміздерді дайындау бойынша жұмыс тобын құру туралы Жоғарғы Кеңес Президиумының қаулысы шықты. Соған орай, арнайы шығармашылық комиссия жасалынды. Олардың құрамына Салық Зиманов, Ербол Шаймерденов және тағы басқа атақты қайраткерлер кірді.

Ту, елтаңба және әнұран бойынша байқау жарияланды және оған 600-ден астам адам қатысты. Мемлекеттік тудың эскизімен барлығы 1200 өтініш келіп түсті. Сонымен қатар, суреттер бойынша 245 жоба және 67 Мемлекеттік елтаңбаның сипаттамасы мен мемлекеттік әнұранның 750 нұсқасы келді.

Байқау қатысушыларының алдында қиын тапсырма тұрды. Мемлекеттік рәміздер тек эстетикалық талаптарға ғана жауап бермей, сонымен бірге тарихи, саяси, экономикалық мағынаны да өзімен бірге алуы керек болды.

Осы тапсырманы Шәкен Ниязбаев (ту), Жандарбек Мәлібеков және Шота Уәлиханов (елтаңба авторлары), Шәмші Қалдаяқов (әнұранның әні), Жұмекен Нәжімеденов (әнқранның сөзі) сынды таланттар жасай алды. 

Мемлекеттік рәміздерді таңдау кезінде ерекше рөлді Президент Н.Назарбаев ойнады. Елбасымыз Мемлекеттік әнұранның сөзіне бірқатар өзгерістер еңгізіп, біріккен шығармашылық ұжымның құрамына кірді. Сонымен қатар, Мемлекет басшысы қазақ тілінде терминдердің қолданылуына көңіл бөлді. Оның бастамасымен «елтаңба», «әнұран», «нышан, рәміз» атты терминдер енгізілді.

ҚР Мемлекеттік рәміздері 1992 жылдың 4 маусым айында қабылданды.