«Тау-Кен Темір» өндірістік қалдықтарын жаңа сипаттағы бетон өндіретін Ресейге сатады
3 Маусым, 2016 17:03
Металлургиялық кремни өндіретін Қарағандының «Тау-Кен Темір» зауыты өндірістік қалдықтарын жаңа сипаттағы бетон өндіретін ресейлік компанияға сатады, деп хабарлады «Тау-Кен Темір» басқарма төрағасы Мұран Жакенов Ортақы коммуникациялар қызметінде өткен баспасөз конференциясында.
«Біздің кәсіпорын экологиялық қауіпсіздік талаптарына сай заманауи және инновациялық зауыт болып есептеледі. Сондықтан бізден шыққан қалдықтар да жаңа сипаттағы бетонға қоспа ретінде пайдалануға болады. Бұл қалдықтар қосылған бетон көпке шыдайтын болады және заманауи талапқа сай келетін болады. Мұндай технология әзірге Қазақстанда қолданылмайды. Тіпті бізде ондай заңнамалық базада да жоқ. Бірақ, бұл микрокремнезді ресейлік компаниялар сатып алып қолданады»,-деді М.Жакенов.
Сонымен қатар басқарма төрағасы Қазақстанның бір топ ғалымдарымен және кәсіпорынның мамандарының күшімен шаңды қайтару тәсілін жасау жұмыстары жүргізіліп жатқанын айтып өтті.
Анара Таныркулова
