Қ. Келімбетов: Қазақстанда АХҚО-ның тәуелсіз соты құрылады
3 Маусым, 2016 12:24
«Астана» Халықаралық қаржыландырылған орталығы мен Қазақстанға инвестицияны тартуда әлемдік қауымдастықтың сенімін қамтамасыз ету үшін жеке құқықтық режим енгізілетін болады, деп АХҚО әкімшілігінің басқарушысы Қайрат Келімбетов инвесторлар құқықтарын қорғау механизмдерін жетілдіруге арналған дөңгелек үстел барысында мәлім етті.
«Әлемдік қауымдастық, инвесторлардың мүдделерін қорғау және қаржы қызметінің клиенттері тарапынан АХҚО-ға сенімді қамтамасыз ету үшін құқықтық режим енгізілетін болады және ол жалпы құқытың принциптеріне негізделеді. АХҚО-ның тәуелсіз соты айқындылық пен сот әділдігінің негізі болады. Біз экономикаға қосымша қаржы ресурстарын тартуды және отандық қаржы секторын экономика саласына айналдыруды жоспарлаймыз»,-деді Қ.Келімбетов.
Естерінізге сала кетйік, Астанада «Инвестицияларды қорғауда институционалдық тетіктерді жетілдіру. Инвестициялық даулар мен төрелік туралы ҚР заңдарының новеллалары» тақырыбында дөңгелек үстел өтуде.
