Астанада «Отан Оттан да ыстык» жастар форумы өтуде

«Патриот болу дегеніміз- Қазақстанды өз жүрегіңде сақтау»,-деді жастар форумының ашылуында ҚР Парламент Мәжілісінің депутаты Абай Тасболатов.

Патриоттық форумға барлық облыстан, сондай-ақ Астана мен Алматы қалаларынан өкілдер қатысып жатыр. Қатысушылардың жасы -16-29 жас.

«Бүгінде, тәуелсіздікке қол жеткізіп отырған шағымызда, теңдік өте маңызды. Біздің жастарымыз осыны түсінуі қажет. Ән, тарих, спорт арқылы... Аумақ бойынша біздің ел 9 орында. Бұл жер бізге оңайлықпен келген жоқ, ұлан-байтақ жерімізді қорғап қалу үшін батырларымыз қанын төткі, жанын берді»,-деп атап өтті Абай Тасболатов.

Жастар форумының бағдарламасында «Қазақ мемлекеттігінің қалыптасуы мен дамуы жолында батырлардың, қолбасшылардың, басқарушылардың рөлі» тақырыбында конференция өткізу жоспарланған.

Жастардың қоғам қайраткерлері, тарихшылармен кездесуі, сондай-ақ қазақтың қолданбалы және көркем өнерінің дәстүрлі түрлері бойынша, қазақтың халық биі, қазіргі жастар шығармашылығы жайында шеберлік сыныптары өткізіледі деп күтілуде.