Алматыда бүгінгі күні бизнестің әлеуметтік жауапкершілігі 55 млн теңгені құрайды - әкімдік

Меморандумға сәйкес банк бұдан былай «Спорттық нысандар дирекциясы» ЖШС - Алматыдағы мұз аренасына демеушілік көмек көрсететін болады. Келісімде несие бөлу, Банктің қатысуымен және қатысуынсыз мемлекеттік бағдарламаларды жүзеге асыруда Консультациялық кешенді пайдалану қарастырылған. Осылайша, екі тарап КОБ субьектілерінің деңгейін көтеріп, бизнесті жүргізуде аспектілерді белгілейтін болады, деп қалалық әкімдікте хабарлайды. 

Алматы әкімі Бауыржан Байбек қаланың әлеуметтік- экномикалық дамуындағы бизнестің рөлін атап өтті. Бизнестің араласуы арқасында биылғы жылы 4 мектеп,1 емхана, 17 бала бақша, 1 спорт кешені салынып, Оқушылар сарайы жөнделетін болады.

«Соңғы кезде әкімдік банктермен 9 келісімге қол қойды, қазір бұлар 55 млн.тг құрайды, біз кәсіпкерлер бастамасын қолдаймыз. Банктер қаланың әлеуметтік жағдайына да көмек қолын созуда. Біз Қазақстнның халық банкінің үлкен тарихы бар ірі банк екендігін және қиын - қыстау кезінде зейнетақы мен жәрдемақы төлеуде, бизнеске қолдау көрсетуде көшбасшы болғандығын жақсы білеміз. Халық банкі «БЖК-2020» бағдарламасын жүзеге асырып, несие бөлуде алда келеді», - деді Б.Байбек.

Бұл күні қала әкімдігі мен «Зеленстрой» АҚ-мен де келісім жасалды. Соның арқасында Жетісу және Түрксіб аудандарында жылыжай мен питомниктер салынады. Осылайша, «Зеленстрой» АҚ қаланы қажетті ауылшаруышылық өнімдерімен өз мүмкіндігінше қамтамасыз ететін болады.