Қарағанды облысында Индустрияландыру картасы бойынша 95 млрд теңгенің өнімі өндірілді
25 Қараша, 2013 11:28
Қарағанды облысында Индустрияландыру картасы бойынша іске қосылған кәсіпорындарда жалпы құны 95 млрд теңгеден асатын өнімдер өндірілді. Бұл туралы баспасөз мәслихатында облыстық кәсіпкерлік және индустриялдық-инновациялық даму басқармасының басшысы Ғ.Әшімов мәлімдеді, деп хабарлайдыBNews.kz кәсіпкерлік және индустриялдық-инновациялық даму басқармасының басшысы Ғ.Әшімовке сілтеме жасай отырып.
«Облыста Индустрияландыру картасы бойынша іске қосылған кәсіпорындарда жалпы құны 95,9 млрд теңгенің өнімі өндірілді. Оның ішінде ағымдағы жылдың 10 айында 40,6 млрд теңгенің өнімі өндірілген»,-деді басқарма басшысы.
Сондай-ақ ол биылғы жылдың алғашқы 6 айында 1,5 млрд теңге инвестиция салынған 4 жоба іске қосылып, 197 жұмыс орны ашылғанын атап көрсетті.
«Жыл соңына дейін 39 млрд теңгенің 7 жобасы іске қосылады деп жоспарланған. Оларда 700-ден астам жұмыс орны ашылады»,-деді ол.
