Биыл ШҚО-да жергілікті жолдардың 228 шақырымына жөндеу жұмыстары жүргізіледі

ШҚО-ның ақпарат орталығында хабарлағандай, ғымдағы жылы 70 шақырымды құрайтын Аягөз қаласынан Тарбағатай ауданындағы Ақсуат ауылына дейінгі жолдардың орташа жөндеу жұмыстарына республикалық бюджеттен қаржы бөлінді. Бұл Қарағанды-Аягөз-Боғас тас жолының маңызды бөлігі. Ағымдағы жылдың тамыз айында жөндеу жұмыстары аяқталған кезде Тарбағатай мен Зайсан аудандарынан Алматы тас жолына дейінгі жол ұзақтығы біршама қысқарады.

Ал облыстық жолдардың 3,7 млн құрайтын 228 шақырымы жаңартылатын болады. Өскемен-Тарғын-Самар автожолының 80 шақырымы, Сібе көліне бағытталған 54 км, Мақаншы-Жалаңашкөл жолының 42 шақырымы, Күршім-Қалжыр жолының 16 км, Дмитриевка–Бородулиха–Шемонаиха жолдарының 20 шақырымы орташа жөндеу жұмыстарымен қамтылады. Сондай-ақ, Серебрянск қаласына кіре беріс және Өскемен-Бобровка жол учаскелеріне жөндеу жүргізіледі. Барлық жерде жұмыстар басталып, бекітілген жоспарға сәйкес жүргізіліп жатыр.

Биыл халықаралық талаптарға сәйкес жол жүрісін арттыру мақсатында Ресей Федерациясымен шекарадағы «Ауыл» және «Уба» пунктеріне толық жөндеу жүргізіледі.  

Сонымен қатар маусым айының соңына дейін облыстық және республикалық жолдарға ұсақ жөндеу жүргізу аяқталатын болады. Жалпы көлемі 325 мың шаршы метр.