«Байқоңыр» ғарыш айлағынан «Intelsat DLA-2» ғарыш аппаратын ұшыру шеңберіндегі жұмыстар жүргізіліп жатыр

2 Маусым, 2016 13:42

«Байқоңыр» ғарыш айлағында «Intelsat DLA-2» ғарыш аппаратын ұшыру шеңберіндегі жұмыстар жалғасуда, ғарыш аппараты «Байқоңыр» ғарыш айлағына ағымдағы жылдың 26 сәуірінде жеткізілген.

«Intelsat DLA-2» ғарыш аппаратын IntelsatS.A (АҚШ) спутниктік байланыс операторының тапсырысы бойынша Space Systems Loral (АҚШ) компаниясы жасаған, деп Қазғарыш баспасөз-қызметінде хабарлайды.

Ғарыш аппаратының салмағы 6320 кг., онда С-диапазондағы 10 транспондер (ретрансляция бағаны) және Ku-диапазондағы 72 транспондер бар. Спутник геостационарлық орбитаға, батыс бойлықтағы 95° тұру нүктесіне шығарылып, сол жерден 15 жыл бойы Латын Америкасы аумағына үздіксіз хабар тарату қызметін көрсететін болады.

«Протон-М» тасымалдағыш зымыранмен «Intelsat DLA-2» ғарыш аппаратын ұшыру «Байқоңыр» ғарыш айлағының 81 алаңындағы старттық кешеннен 2016 жылдың 8 маусымына (негізгі дата), Астана уақытымен сағат 13.10-ға (резервтік даталар – ағымдағы жылдың 9-11 маусымы) жоспарланған.

Барлық жаңалықтар