Қытай инвесторлары СҚО-да май өңдейтін зауыт құрылысына 100 млн. доллар салуды жоспарлап отыр

«Жоба Қазақстан Үкіметі мен Қытай арасындағы келісім аясында жүзеге асады»,-деп хабарлады аймақ әкімдігінен.

Құрылыс басталар алдында қазақстандық және қытайлық серіктестер капсула салды және тығыз ынтымақтасуға ниетті.  Айрықша оқиғаға аймақ басшысы Ерік Сұлтанов пен «Айцзю» компаниясының президенті Хэи Дзя қатысты.

«Бұл біздің облыстың өмірі үшін айрықша оқиға. Егер былтыр облысқа 1 млрд. шетелдік инвестиция тартылса, биыл ол көрсеткішті жеті есеге арттырамыз. Мемлекет басшысы инвестиция тарту мен еліміздің инвестициялық ахуалын жақсартуға айрықша мән береді.  Бұл майлы дақылдарды терең өңдейтін зауыт сәтті жоба болады, деп есептеймін. Ауыл шаруашылығы тауарларын өңдеу бойынша 8 жобаны жүзеге асыру жоспарда бар»,-деді Е.Сұлтанов.

Зауыт салынып болғаннан кейін жоспар бойынша жылына 300 мың тонна майлы дақыл сатып алмақ. Мұнда тәулігіне бір тоннаға жуық дайын өнім шығарылатын болады. Жобаны жүзеге асыруға Қытай инвесторлары 30 млн. долларды бөліп те қойған. Болашақта инвестиция көлемін 100 млн. долларға дейін жеткізуді жоспарлап отырған көрінеді.