2017 жылдың бірінші тоқсанында ИИДМБ бойынша оқыған алғашқы магистранттар бітіріп шығады– ҚР БҒМ

2 Маусым, 2016 11:39

ҚР Мәжіліс Парламентінде «Әлеуметтік инфрақұрылымды дамыту» бағытында «Нұрлы жол» бағдарламасын іске асыруға бюджет қаражатының және Ұлттық қордан бөлінетін қаражаттың тиімді және нысаналы пайдалануын бақылау жөніндегі комиссия отырысы өтуде. Отырыста 2015-2016 жылдардағы жоғары оқу орындарындағы зертханаларды базалық жабдықтауды қаржыландыру мәселесін талқылады.

ҚР Білім және ғылым министрлігінің мәліметі бойынша, мемлекеттік бюджет пен ҚР Ұлттық қор бюджетінен 2015-2016 жылдары ҚР жоғары оқу орындарында қазіргі заманғы зертхананы құруға 6 млрд теңге бөлінген, Айта кетейік, 2015 жылы 11 ЖОО-ға халықаралық стандарттарға сай зертханалар құруға 3 млрд теңге бөлінді: 4 бастапқы ЖОО-1,5 млрд теңге, 7 басқа ЖОО-1,5 млрд теңге.

Сонымен қатар, ҚР БҒМ Жоғары және жоғары оқу орнынан кейінгі білім департаментінің директорының м.а. Гүлзат Көбенованың айтуынша, 2017 жылы Индустриялық-инновациялық даму мемлекеттік бағдарламасы бойынша алғаш түлектердің шығуы күтіледі.

«2017 жылдың 1-ші тоқсанында магистранттардың бірінші түлегі шығады деп күтілуде, олар аталмыш білім беру бағдарламасы мен осы зертханалар базасында білім алуда. Олардың жұмысқа тұрулары бойынша мекеменің ғалымдары өздерінің серіктестерімен керекті жұмыстарды жасады, яғни ИИДМ кәсіпкерлерімен. Үш жақты келісім жасалды – ол ЖОО- магистрант – кәсіпорын. Келісім олардың базасында өндірістік тәжірибені өтіп ,болашақта сол жерде жұмысқа тұруды қарастырады»,-деді Г.Көбенова.

Ботагөз Айтжанова

Барлық жаңалықтар