ЕЭК және ИАТА халықаралық әуе көлігі саласында ынтымақтастық жасауға мүдделі
2 Маусым, 2016 15:21
Еуразиялық экономикалық комиссияның энергетика және инфрақұрылым министрі Данил Ибраев және Халықаралық әуе көлігі қауымдастығының (ИАТА) бас директоры Энтони Тайлер ЕЭК пен ИАТА арасындағы ынтымақтастық туралы Меморандумға қол қойды.
Меморандум аясында тараптар арасында ынтымақтастықтың бағыты мен пішімі бойынша қағидалар анықталды. Құжат халықаралық әуе көлігі саласындағы құқықтық реттеуді жетілдіруге, сәйкестендіру және олардың орындалуындағы кедергілерді жоюға бағытталған, деп ЕЭК хабарлайды.
Сонымен бірге, ол стандарттар мен үрдістерді енгізу бойынша жұмысты үйлестірді.
Меморандумды жасасу әуе көлігі саласында интеграциялық үдерістерді дамыту бойынша оң әсерін тигізетін болады және Комиссияның функционалды міндеттерін неғұрлым тиімді шешуге ықпал жасайды.
Анықтама үшін: Халықаралық әуе көлігі қауымдастығы (ИАТА) – авиакомпанияның бірлестігі. Ол Халықаралық азаматтық авиация ұйымының қамқорлығымен жұмыс істейді.
