Ақтөбеде қаланы кешенді дамыту жоспары аясында 200 мың шаршы метр тұрғын үй құрылысы жоспарланған

2 Маусым, 2016 10:19

Ақтөбе қаласын дамытудың 2016-2018-ші жылдарға арналған Кешенді дамыту жоспарының негізгі бағыты Ақтөбе облысы әкімдігінде аймақ басшысы Бердібек Сапарбаевтың төрағалығымен өткен жиында қаралды.

Кешенді жоспарда облыс ортылығын кезең-кезеңімен дамыту болжанған. Негізгі міндеттерді шешуден бөлек, инвестициялық жобаларды да жүзеге асыруды қарастырады. Кешенді жоспарда негізгі басым бағыттардың бірі кезекте тұрғандарды тұрғын үймен қамтамасыз ету болып табылады, деп хабарлады «Ақтөбе ақпарат» орталығы.

Бүгінгі таңда Ақтөбе қаласындағы тұрғын үй қоры 8,9 млн. шаршы метрді құрайды. Қалада берілген тұрғын үйлердің өсіміне қарамастан, әліде баспана мәселесі өзекті күйінде қалып отыр. Мәселен, 17 мыңнан астам адамның баспана мәселесі шешілмей тұр.

«Бұл мәселені шешу үшін Жоспарда 200 мың шаршы метр тұрғын үй құрылысы қарастырылған. Ол кезекте тұрған 3 мыңнан астам кезекте тұрғандарды қамтамасыз етуге мүмкіндік береді»,-деп хабарлады Ақтөбе қаласының әкімі Бекбол Сағын.

Барлық жаңалықтар