Сенаторлар ГФР Бундестагының депутаты А.Фишермен кездесті
Кездесу барысында И. Адырбеков мейманға бұл сапардың екі ел парламенттері арасындағы өзара іс-қимылға жаңа серпін беретініне, сондай-ақ ЕКПА және ЕҚЫҰ ПА аясындағы Қазақстан мен Германия делегациялары арасындағы жемісті ынтымақтастыққа жәрдемдесетініне сенім білдірді.
С. Ақылбай «100 нақты қадам» Ұлт жоспарын іске асыру аясындағы Парламенттің қызметі, сондай-ақ заң үстемдігін қамтамасыз етуге бағытталған сот жүйесінің реформаларын жүзеге асыру барысы туралы мейманды хабардар етті.
А. Фишер терроризм мен экстремизм қатерлерімен күрес мақсатында діни және саяси қайраткерлерге ашық үнқатысу үшін ортақ алаң ұсынған Қазақстанның үлесін жоғары бағалады.
Кездесуге Қазақстан Республикасы Парламенті Сенатының депутаты Георгий Ким және ЕКПА Саяси мәселелер жөніндегі комитетінің хатшысы Павел Шевченко қатысты.
