«Қазақстан инжиниринг» және «Ресей тікұшақтары» бірлескен жобаларды іске асыру жөніндегі жол картасына қол қояды
1 Маусым, 2016 16:21
«Қазақстан инжиниринг» ұлттық компаниясы мен «Ресей тікұшақтары» холдингі алдағы 10 жыл ішінде бірлескен жобаларды іске асыру жөніндегі жол картасына қол қояды, деп ұлттық компания басқармасының басшысы Ерлан Ыдрысов «ҚР-да тікұшақ техникаларына кешендік сервисті қолдау көрсету бойынша Қазақстан-Ресей халықаралық ынтымақтастық» форумында мәлім етті.
«KADEX» көрмесі аясында «Ресей тікұшақтары» холдингісімен жол картасына қол қойылады»,-деді Е.Ыдрысов.
«Бірлескен өндіріс жасау бойынша әзірше жоспар жоқ, алайда егер Қазақстанның тапсырыс түсетін болса – біз өзіміздің серіктестеріміз «Ресей тікұшақтары» холдингімен талқылай аламыз»,- деді ол.
Өз кезегінде «№405 Авиажөндеу зауыты» АҚ директоры Константин Ушаков аталмыш жол картасы сервистік желіні дамытуға қарастырылғындығын айтып өтті. Оның айтуы бойынша, зауытта орташа есеппен алғанда, жыл сайын 12-ге шамалас тікұшаққа жөндеу жұмыстары жүргізіледі.
«Бізде Ақтөбе қаласында да сервистік алаң бар және ол жерде біз сервистік қызмет көрсетеміз. Астана қаласында да сервистік алаңды ашуды жоспарлаудамыз»,-деді К. Ушаков.
