Ақтөбеде балалардың демалысына арналған жыл бойғы сауықтыру орталығы ашылады

Халықаралық балаларды қорғау күнінде облыс басшысы мемлекеттік-жекеменшік серіктестік аясында салынған Ақтбедегі ірі мектепке дейінгі білім беру мекемелерінің бірінде болды.

«Ақбөбек» компаниясының бас директоры Күлпаршын Айдарханова қонақтарға ауданы 7500 шаршы метр болатын балалар орталығының төрт жыл бұрын салынғанын жеткізді. Бүгінде мұнда 200-ден астам жұмыс орны ашылған.

Бердібек Сапарбаев өскелең ұрпақтың тәрбиесі мн жан-жақты дамуына, сауықтыруына барлық жағдай жасалған орталықты қарап шықты. Күн сайын мектепке дейінгі мекемеге мың бала келеді, олардың 542-сі балабақшаға барады. Тағы 90 адам қазақ тілінде бастауыш мектепте білім алады, 300-деп астам бала түрлі үйірмелерге қатысады.  Облыс әкімі орталықтың жұмысына жоғары баға берді.

"Біздің облыста шамамен 260 мың бала бар. Олардың дамуы мен тәрбиесіне барлық жағдайды жасауымыз керек, балалар мекемелерін, оның ішінде мүгедек балаларға арналған орталықтар санын көбейту керек. Таяуда гипотерапия орталығын аштық, балалардың дамуы мен өз әлеуетін ашатын Оқушылар сарайы құрылысы басталды", - деді Бердібек Сапарбаев.    

Күлпаршын Айдарханова балалар жыл он екі ай демалатын лагерьдің «тұсауын кесті». Сауықтыру, оқыту және тәрбиелеу орталығы «Ақбөбек-Восток» лагері негізінде ашылады.  

"Жақсы ұсыныс. Біз оны қолдаймыз, жүзеге асырылу үшін көмектесеміз. Онда олимпиада жүлдегерлері мен жеңімпаздары, үздік оқушылар демалу керек. Сонымен қоса, «Ақбөбек» базасында физика-математикалық бағытындағы мектеп ашу туралы мәселе көтеру керек", - деді өңір басшысы блаларды мерекелерімен құттықтап, оларға зор денсаулық тіледі.