Қызылорданың 37 мектеп түлегі бірыңғай ұлттық тестілеуден босатылды

1 Маусым, 2016 17:49

Қызылорда облысында 2 маусымнан бастап Ұлттық бірыңғай тестілеуді тапсыру басталады. Бұл туралы бүгін «Сыр медиа» ЖШС жанындағы облыстық коммуникация орталығында өткен брифингте облыстық білім басқармасының басшысы Бақытжан Сайлыбаев хабарлады.

«Биыл облысымызда 6564 оқушы мектеп бітіріп жатыр. Оның 4559 ҰБТ-ға қатысады, яғни мектеп бітіруші түлектің 69,5 пайызы. Ал «Алтын белгіге» үміткер түлектердің саны - 329 оқушы, 123 оқушы «Үздік аттестатқа» үміткер, - деді Б.Сайлыбаев.

Облыстық білім басқармасының басшысының айтуы бойынша, ҰБТ тапсыру үшін биыл 9 пункт, 104 аудитория дайындалды, оның екеуі Қызылорда қаласында. Қорқыт ата атындағы ҚМУ 5 ғимараты мен №2 мұрагер мектебі сақадай сай. Барлық жабдықтармен жабдықталған. Бейнекамералар орнатылған, ұялы телефон тұншықтырғыш та жұмыс істеп тұр.

Айта кету керек, биылғы жылдан бастап түлектер ҰБТ қайта тапсыру мүмкіндігіне ие бола алады. Тек шекті баллды жинай алмаған 50 баллдан төмен жинап, дегенмен колледждерге тапсыратын жағдайда ақылы түрде кешенді тест тапсыруға мүмкіндік алады. Сонымен қатар Халықаралық конкурстың жеңімпаздары 37 бала биыл ҰБТ босатылды.

Барлық жаңалықтар