Қазақстан мен Мысыр мәдениет министрлері «Нұр-Мүбарак» университет қызметінің пәрменділігін арттыру мәселелерін талқылайды
Мұхтар Жұманың елімізге сапары бүгін Елордамызда өткен «Діндер терроризмге қарсы» халықаралық конференциясына және таяу күндері өтетін «Нұр-Мүбарак» Египет ислам мәдениеті университетіндегі Қамқоршылар кеңесінің кезекті отырысына қатысуы аясында ұйымдастырылып отыр.
"Кездесу барысында Қазақстан-Мысыр елдерінің бірлескен жобасы болып табылатын «Нұр-Мүбарак» университетінің қызметінің пәрменділігін арттыру мәселелері талқыланды",-деп хабарламада айтылған.
Әңгімелесу барысында шетелдік қонақ бүгінгі өткізілген «Діндер терроризмге қарсы» халықаралық конференциясын өткізу деңгейіне жоғары баға берді. Ол осы ретте Қазақстан Президентінің салиқалы бастамаларының арқасында бүкіл әлемде Қазақстан дінаралық диалогтың белсенді ұйымдастырушысы ретінде бағаланатындығын атап өтті.
