Мәжілісте ТМД жедел-тергеу бірлескен қызметі туралы Келісімді ратификациялау жөніндегі заң жобасы мақұлданды

Құжатта Тараптардың құзыретті органдарының іс жүргізуіндегі дәлелдемелерді ұсыну не процестік әрекеттерді және жедел-іздестіру іс шараларын жүргізу қажет болатын қылмыстық істер бойынша өзара байланысты қылмыстарды ашу және тергеп тексеру үшін тараптардың аумақтарында бірлескен жедел-тергеу топтарын құру қарастырылады. Келісімде олардың қызметі және қызметін тоқтату мәселелерін реттеу қамтылып отыр.

«Келісім ТМД Конвенциясының құқықтық көмектер туралы 63-бабын қолдануды нақтылап, азаматтық, отбасылық және қылмыстық істер бойынша құқықтық қатынастарды реттеуге мүмкіндік береді. Заң жобасын қабылдау республикалық бюджеттен қосымша қаржы шығындарын талап етпейды, теріс әлеуметтік-экономикалық және құқықтық салдарға соқтырмайды», - дейді Ішкі істер министрі Қалмұханбет Қасымов.   

Жалпы келісім ТМД қатысушы мемлекеттерінің қылмысқа қарсы күрестегі ынтымақтастық тиімділігін арттырады. Жедел-тергеу қызметін атқарудағы нақты шаралар Қазақстанның тергеу қызметтерінің де тиімділігін көтереді. 

Ботагоз Айтжанова