ИИМДБ: ШҚО-да 3 мың тоннадан астам күнбағыс майы өндірілді
1 Маусым, 2016 09:12
ШҚО Шемонайха ауданында индустриалды карта аясында өңдеу саласы бойынша 2 жоба жүзеге асты. Оның екеуі де күнбағыс майын өндіруге бағытталған. Бұл туралы Шемонайха ауданының әкімі Амангелді Тоқтаров ШҚО Аймақтық коммуникациялық қызметінде өткен баспасөз қызметінде айтты.
«Триумф Агро» ӘКК күнбағыс майы экстракциясы бойынша зауыт құрылысы мен рафинация бойынша цехты жаңғырту, «Востоксельхозпродукт» ЖШС-ң күнбағыс майын ағарту жұмыстары 2012-2014 жылдары жүрді.
Атап өту керек, рафинадталмаған өсімдік майын өндіру көлемінің физикалық индексі 4 айдың қортындысы бойынша 73 % деңгейінде болса, рафинадталған майдың көлемі 115,3 %-ды құрады.
